Zvecivoneka kuti tiri vandhu vacikazivi kukwana, tinodikana kuvangisira maningi kuti tienderere mberi tecingwarira zvido zvedu. Kudari tikaregera kuti zvido zvedu zvititonge, tinozoruza unyasha hwa Jehovha. Inga muezaniso, vamweni vanotendera kuti zvido zvavo ngo pamusoro po zvokuha, zvokusimira no pokugara zvinyise rudo hwavanahwo na Mwari. Vamweni vanoita zvido zvavo zvo vatano vacikarangariri ndhungamiriro ja Mwari. (Var. 1:26, 27) Vamwenivo vanoita zvido zvavo ngo kukhwevejehwa ngo shamwari javo, ngo kuda kutendehwa ngo shamwarijo kana kuvoniwa kuti vari ushoni.—Ex. 23:2.

Tingaendereresa kudini mberi tecingwarira zvido zvedu? Tinodikana kuita zvese zvatinokwanisa kuti tisotesese zviro zvokumujimu. (Mat. 4:4) Cimwenizve, tinodikana kudeketerera Jehovha kuti atibesere kungwarira zvido zvedu. Ngenyi? Ngokuti iyena anoziva zvaushoni kwatiri, anozivazve kuti tingaitisa kudini zvatinoda mu njira kwayo.—Ndu. 145:16.

VONANYI VHIDHIYO INOTI MUCATENDERA KUTI KUBHEMA KUPEJE UPENYU HWENYU, PERAPO DAVIRANYI MUVHUNJO JINOTEVERA:

• Ngenyi vandhu vamweni vanobhema?

• Kubhema kuno muviyo wenyi?

• Ngenyi kubhema foha kwakashata?—2 Vak. 7:1

• Mungarambisa kudini kubhema kana kutokuregera kudeya meibhema?