Mugariro wo nyika paunonga wecikhwedera ku magumo, tingavetera kuti hondo no grevhe zvinozoengejekavo maningi. (Apo. 6:4) Tingaitisa kudini kuti tive takanasiririka kuitira zvineso izvi?

• Ivanyi makanasiririka ku divi rokumujimu: Jijanyi ndhungamiriro no zviitiko zvo Bhaibheri zvingavangisa ushamwari hwenyu na Jehovha no ku sangano rake. Mungajijazve ndhungamiriro jinozomubesera kuti murambe mucina komakapeamira. (Mazwi 12:5; jr-CA 125-126 ¶23-24) Ivanyi no ushamwari hwakavanga no hama jo mu ungano.—1 Ped. 4:7, 8

• Ivanyi makanasiririka ku divi ro zvoukunyama: Vonanyi zvamunozoita kudari mugariro ukazomuita kuti mukonehwe kubuda pa muzi, nasiriranyi zviro zvakakwana zvamunozoda kushandisa pamuzipo. Nasanyi kuziva ndau yamunozotizira. Vonanyi zviro zviri kucota mu mushira wamunozotiza naiwona, diranyi mukatimo mare, ruvha kana maskara. Ivanyi no numero jo vakuru, perapo vapenyivo numero jenyu.—Is. 32:2; g17.-CA 5 3-7

Pazvinonga zveciitika, rambanyi mecivangisa ushamwari hwenyu na Jehovha. (Vaf. 1:10) Mucagara mecithutha pacina dikano. (Mat. 10:16) Kovananyi zvokuha zvenyu no vamweni.—Var. 12:13.

VONANYI VHIDHIYO INOTI MUNGANASIRIRA KUDINI KUITIRA NGOZI JINOITIKA JEGA? PERAPO DAVIRANYI MUVHUNJO JINOTEVERA:

• Jehovha angatibeseresa kudini paya painoitika ngozi?

• Ngozvapi zvatingaita kuti tive takanasiririka kuitira ngozi iriyese?

• Tingabeseresa kudini hama jakawihwa ngo ngozi?