Icinyi audhiyo jo Bhaibheri? Audhiyo jo Bhaibheri ndi kugaravhahwi ko Sandujo yo Nyika Imbza. Audhiyo iji jinodihwa mu saiti padoko ngo padoko, ndumiyo painonga icigaravhari jimweni jakona. Cinosisira maningi pa audhiyo iji ngo cokuti panoshandiswa maizwi akasiyana-siyana kuitira mundhu umwe nga umwe anonga ecinangwa. Magama anoverengwa ngo njira ya ushoni kamare no kubudisa mazwiro anoita kuti masokowo anase kuzika.

Vamweni vari kubesereka kudini ngo audhiyo jo mu Bhaibheri? Vamweni vanopurukira audhiyo jo Bhaibheri mukuvo wese, vanodakarira maningi kuvona kuti irona rinozika nokuti ngo rokadi kamare. Ivona vanozwisisa kuti kupurukira vandhu vakasiyana-siyana vanonga veciverenga, kunovabesera kuti vavone zvirozvo inga zviri kutoitika kamare no kunasa kuzwisisa zvakatahwaro. (Mazwi 4:5) Vazinji vanovona kuti kupurukira audhiyo jo mu Bhaibheri kunovabesera maningi pavanonga vecithimwa-thimwa.—Ndu 94:19.

Kupurukira Soko ra Mwari reciverengwa ngo izwi guru kungatibesera maningi mu upenyu hwedu. (2 Kron 34:19-21) Kudari audhiyo jo mu Bhaibheri jinowanika divi kana rese rakagaravhahwi mu ndumi yamunozwisisa, kureva kuti munoanja kupurukira njiku jese pamunonga meciverenga?

VONANYI VHIDHIYO INOTI: KUGARAVHAHWI KO AUDHIYO JO BHAIBHERI—CIDIMBU, PERAPO DAVIRANYI MUVHUNJO UNOTEVERA:

Ngozvapi zvinomushamaisa pakugaravhahwi ko audhiyo jo Bhaibheri?