Njiku 27 ya Maio–2 ya Junho
NDUYO 42-44
Ndumbo 86 no Mukumbiro | Masoko Okutanga (mus. 1)
1. Shandisanyi Jijiso Jamunopuwa Ndi Jehovha
(mus. 10)
Shandisanyi mukana wamunawo wo kunamata Jehovha pamwepo no vamweni, kudari zvecikwanisika no pamunonga muri mega (Ndu 42:5, 6; Murindiri wo 1/6/06 pheji 9 ndima 4)
Itanyi mukumbiro mucito majija Soko ra Mwari (Ndu 42:9; Murindiri wo 15/1/12 pheji 15 ndima 2)
Tenderanyi kuti Bhaibheri ritungamirire zvese zvamunoita (Ndu 43:3)
Jijiso jatinopuwa ndi Jehovha jinotivangisa kuti tihwisane no muejo no kupona mukuzwirana no mbhiko yedu.—1 Ped 5:10; Murindiri wa 09/16 pheji 5 ndima 11-12.
2. Upfumi hwo Kumujimu
(mus. 10)
-
Ndu 44:20—Magama okuti ‘kwajinogara imbhwa jo musora’ ari kureverenyi? (Perspicaz vhorume 1 pheji 479 ndima 3)
-
Upfumi hwapi hwamafumbhura pa kuverengwa ko Bhaibheri ko sumana ino hwamaidakarira kubhuisana no vamweni?
3. Kuverengwa ko Bhaibheri
(mus. 4) Ndu 44:2-27 (Kujijisa cijijo 11)
4. Kutangisa Mabhuyo
(mus. 4) MUZI NGO MUZI. Itisanyi jijo yo Bhaibheri. (Idanyi Vandhu cijijo 5 fundo 5)
5. Hwiririro
(mus. 5) MUZI NGO MUZI. Kokanyi mundhuwo kuti aviye kuzovona hurukuro ya vese inotevera. Rijanyi no kubhuisana ngo vhidhiyo ino musoro unoti: Zvicinyi Zvinoitwa mu Nyumba yo Umambo? (Idanyi Vandhu cijijo 7 fundo 5)
6. Hurukuro
(mus. 3) Idanyi Vandhu masoko o kuengejera 1 fundo 4—Musoro: Vandhu Vese Vanozova no Uhomi Waushoni. (Kujijisa cijijo 2)
Ndumbo 21
7. Temanyi Zvivaringo Ngo Ungwaru Ngo Pamusoro po Basa no Jijo
(mus. 15) Kubhuisana.
Majaha, imwimwi muri kurangarira zvamunozoita pamunozopeja kujija cikora? Imwimwi mungava no basa ramuri kurangarira rokuti rinozomutendera kuti muzove piyona. Kangaije imwimwi muri kurangarira kuti pano jijo inozomuita kuti muve no uzivi, sertifikadho kana dhiproma kuti muwane basa. Iyi i nguva inodakajisa maningi yo mu upenyu hwenyu. Pikija zvakadaro, ngo ndava yo zvivaringo zvamunoda kutema mungatama kujizwa ushoni kana ngo kuvangirijwa kwamunonga mecihwisana nako kokutema civaringo kuti mudakajise vamweni. Zvicinyi zvingamubesera kuti muteme zvivaringo ngo ungwaru?
Verenganyi Mt 6:32, 33. Perapo daviranyi muvhunjo jinotevera:
-
Ngenyi ngo zvaushoni kuva no zvido zvokujimu zvakajeka mu murangariro mucito matema zvivaringo zvinosisira ngo pamusoro po basa no jijo?
-
Vabari vangabeseresa kudini vana vavo kuti vashandise bhuku ra Mt 6:32, 33?—Ndu 78:4-7.
Ngwariranyi kuti mutame kusiya kuti mare no nduma zvipsase zvivaringo zvenyu. (1 Joh 2:15, 17) Ceukijanyi kuti kuva no mare yakawanda, zvingava zvinonesa maningi kumundhuwo kuti atendere masoko o Umambo. (Ruk 18:24-27) Kudari mundhu ari kuvangisira maningi pakubata basa kuti ave no mare zinji, zvinozomunesera maningi kuti ave no rutendo hwakavanga no kubatikana pakudakajisa Jehovha.—Mt 6:24; Mr 8:36.
Rijanyi VHIDHIYO ino musoro unoti Basopanyi no Zviro Zvinopera!—Pfuma. Perapo daviranyi muvhunjo unotevera:
-
Kuitisa kudini bhuku ra Mazwi 23:4, 5 ringamubesera kuti muteme zvivaringo ngo ungwaru?
8. Jijo yo Bhaibheri yo Ungano
(mus. 30) Zvijijo Zvaungawana mu Bhaibheri cip. 32
