NGENYI ZVINOSISIRA: Bhuku ra 1 VaKorinto ndi rimwe ro 14 jo karata jakatahwa ngo mupostori Pauro kuitira kuvangisa maKristu doni. Mutari kuti atare karata anodikana kusana magama ngo kubhasopa, zve ingaverengwa kazinji ku vanoiashiraro. Karata, manera akanaka o kupa ucapupu ku vo paukama pedu no vatinoziva. Manera amweni anobudirira o kupa ucapupu ku vaya vo kuti itusu atikwanisi kubhuya navo kamare. Inga muezaniso, mundhu angakhombija kudakarira asi zvinonesa kumuwana pamuzi. Vamweni mu ndima yedu vanganesa kuvawana ngo ndava yo kuti vanogara mu nyumba jicikatendehwi kunghwina, kana mu ndharaundha jiri ndhambo. Ngozvapi zvimweni zvamunodikana kurangarira, maningi-ningi pamunotarira mundhu wamucikazivi?

MAITIHWE AZVO:

• Taranyi zvamaizonanga kudari nomainga naye. Pakutanga ko karata, taranyi ngo pamusoro penyu, zve jekesanyi kuti ngenyi muri kutara karateyo. Kangaije mungaita mubvunjo unoita kuti mundhuwo arangarire ngo pamusoro pawo, zve nanganyi ngo website yedu. Mubvunjenyi ngo pamusoro po Jijo yo Bhaibheri yo mu Interneti, urongwa wo jijo yo Bhaibheri yo pamuzi pake, kana nanganyi musoro umwe wo mathurusi edu anobesera pa kujija. Mabhuku, akadari inga khadhi rokungwina mu jw.org, mukoka, kana taratadho zvingabatanijwa

• Gurisiranyi. Pejisanyi karata yenyu acito aremba kuiverenga anoiashiraro.—Vonanyi karata yokuezanisira

• Ivanyi no cokwadi co kuti magama akanasa kutahwa. Aanesi kumaverenga, no kuita kuti abude inga o ushamwari, o ungwaru zve akanaka. Ivanyi no cokwadi co kuti madira zvakakwana.