• Shandisanyi ndau yo kwamunogara. Kudari mukavona kuti amudi kushandisa ndau yo kwamunogara, mungashandisa ndau yo Nyumba yo Umambo kudari vakuru vakamupa citendehwa cokuita kudaro. Ngokudaro, imwimwi AMUDIKANI kushandisa ndau yo kunogara hofisi yo cine kuti adavire.

• Shandisanyi zina ro mundhuwo kudari mecimuziva. Izvo zvinozobesera kuti karateyo itame kuvoneka inga iri kuzivisa zvokutengeserana.

• Sotesesanyi matarire amunoita, gramatika no ponto. Karata inodikana kurongeka, haiwa kushaisha kuronga magama. Kudari mukatara ngo rapi, inodikana kuva icikanesi kuiverenga. Zvatahwaro azvibviri kusujunuka maningi zve azvidikani kunesa maningi.

Karata iyi yokuezanisira inokhombija maitihwe azvo. Aibviri kutevejera gama ngo gama pa nguva yese yamunotarira ariwese mu ndima mwenyu. Taranyi karata yenyu mukuzwirana no zvinodiwa, mugariro zve zvirovejeso zvo mundharaundhemo.