NGENYI ZVINOSISIRA: Vandhu vazinji vacikavoni avajizwi ushoni kuti vabhuye na vaya vacina cineso co kuvona. Ngokudaro, zvinoda kuvangisira kuti tivacumaere. Jehovha anoneseka maningi ngo mapofu. (Lv 19:14) Tingatevejera muezaniso wa Jehovha ngo kubesera mapofu kuti vave shamwari jake.

MAITIHWE AZVO:

• “Psakanyi” mapofu. (Mt 10:11) Munoziva ariwese wo pambhuri penyu ano cineso co kuvona? Kureva kuti mu ndima menyumo, muno zvikora, ndau jinogara mapofu anodakarira mabhuku akaitihwa ivona here?

• Khombijanyi kudakarira. Kudari mukakhombija ushamwari no kumuvonesa kuti munoneseka ngo pamusoro pake, zvinozoita kuti iyena ajizwe ushoni. Tangisanyi mabhuyo mecishandisa shwiro inodakarihwa mu ndima mwenyumo

• Vapenyi besero ro kumujimu. Kuitira kubesera mapofu kana vaya vacikavoni ushoni, sangano riri kubudisa mabhuku mu njira jakasiyana-siyana. Vavhunjisenyi kuti vanoda kujija ngo njira yapi. Muvonereri wo basa anodikana kuva no cokwadi cokuti hama inoshanda no mabhuku iri kukumbira mabhuku mukuzwirana no anodika ngo vandhuvo