Makore ese tinovangisira maningi kuti tikoke vandhu vo mu ndima yedu kuti vaviye ku Cirangarijo. Kusiyapo kukoka vaya vari mu ndima yedu tinodikanavo kukoka vaya vatinoziva. Zvakareruka kuti mundhu aende ku Cirangarijo kudari akakokwa ngo mundhu waanoziva. (yb08-T 11 ¶3; 14 ¶1) Ndiyani wamungakoka?

• Ukama hwenyu

• Vadoni vo kubasa kana vo kucikora

• Vocigarisano

• Vajiji vo Bhaibheri na vaya vamaijija navo kare

Kusiyapo izvo, vakuru vanozokoka vacumaeri vacikacaiti basa. Ngozvapi zvamungaita kudari mundhu wamunoda kukoka aagari mu ndharaundha mwenyumo? Mungawana nguva no ndau iri phedo no kwaanogara mu jw.org, munganghwina pa pheji yokutanga panoti NGO PAMUSORO PEDU, perapo panoti “Cirangarijo.” Pamunonga mecinasirira kuitira njiku iyi inosisira, rangariranyi ngo pamusoro pa vaya vamunoda kukoka, perapo vakokenyi.