Jehovha ndi ‘Mwari wakadakara,’ iyena anoda kuti tidakare mu basa rokucumaera. (1 Tim. 1:11) Mudakaro wedu unokura kudari tikaitisa nane pakucumaera kwedu. Kuita muvhunjo kunotibesera kuti titangise mabhuyo no kuita kuti mundhuwo ave no cidaka-daka cokuda kuziva zvizinji. Muvhunjo jinoita kuti vandhu varangarire. (Mt. 22:41-45) Kudari tikaita muvhunjo perapo tonasa kupurukira mupinguro wake, tinonga tecimuvhunja kudari, ‘Imwimwi munosisira kwatiri.’ (Jak. 1:19) Mupinguro wake ungatibesera kuziva manera atingaenderera mberi no mabhuyo.

VONANYI VHIDHIYO INOTI IVANYI NO MUDAKARO MU BASA RO KUITA VAJIJI—ITISANYI NANE KUZIVA KWENYU—ITANYI MUVHUNJO, PERAPO DAVIRANYI MUVHUNJO JINOTEVERA:

• Jadhi wakakhombija mugariro japi jakanaka?

• Rita wakashandisisa kudini muvhunjo kuti akhombije kudakarira kwake?

• Rita wakashandisisa kudini muvhunjo kuti aite kuti Jadhi adakarire masoko akanaka?

• Rita wakashandisisa kudini muvhunjo kuti abesere Jadhi kurangarira ngo pamusoro po tsamba?