Zvineso azvinesi kutirembesa, maningi-ningi kudari zvikatora nguva yakareba. Dhavhidhi waiziva kuti zvineso zvake zvaiviiswa ndi Mambo Sauri, zvaizopera njiku iri yese nokutizve iyena waizova mambo inga zvakagondeswa ndi Jehovha. (1 Sam. 16:13) Rutendo hwa Dhavhidhi hwakamubesera kuti asengerere no kuvetera Jehovha.

Patinonga tecisongana no muejo, kangaije tingakwanisa kushandisa zivo yedu no murangariro wedu kuti ticinje mugariro wedu. (1 Sam. 21:12-14; Mazwi 1:4) Asi, zvineso zvimweni zvingaenderera mberi pikija taeja kuita zvese zvatinokwanisa mukuzwirana no ndhungamiriro jo Bhaibheri. Pamugariro jakadari itusu tinodikana kusengerera no kuvetera Jehovha. Sambiri pano iyena anozopeja zvineso zvese zvatiri kusongana nazvo no ‘kupukuta musoji jese mumeso’ medu. (Apo. 21:4) Azvinenyi dangani zvineso zvedu zvinozopera ngokuti Jehovha waita ciri cese kana ngo thangwe rimweni haro, asi tino cokwadi co kuti: Zvineso zvese zvino njiku yazvinozopera. Kuziva izvi zvingatiembejera maningi.

VONANYI VHIDHIYO INOTI VANDHU VAKABATANA MU NYIKA YAKAPARAJANA, PERAPO DAVIRANYI MUVHUNJO JINOTEVERA:

• Ngozvapi zvineso zviri kusongana no Makristu amweni o kakusi ko Estadhus Unidhus?

• Ivona vari kukhombijisa kudini kusengerera no rudo?

• Vari kuitisa kudini kuti vaenderere mberi vecibatikana pa zviro “zvinosisira maningi”?—Vaf. 1:10.