Dhavhidhi wakanyisa Goriyati ngokuti iyena wakathemba Jehovha. (1 Sam. 17:45) Jehovha anoda kushandisa simba rake kuti abesere vashandiri vake vese. (2 Kron. 16:9) Tingakhombijisa kudini kuti tinothemba besero ratinopuwa ndi Jehovha kusiyapo kujithemba pacedu kana pa zviya zvatinokwanisa kuita? Ngatende tivone njira ndhatu:

• Itanyi mukumbiro nguva jese. Mucaita mukumbiro mecikumbira kuregerehwa pakupera kuita cishaishi basi, itanyivo mukumbiro mecikumbira simba kuti mukwanise kucungira muejo uri wese. (Mat. 6:12, 13) Mucaita mukumbiro, mecikumbira kuti Jehovha akomborero zvivaringo zvomapera kutema asi itanyi mukumbiro mecikumbira ndhungamiriro no ungwaru mucito matema zvivaringo.—Jak. 1:5

• Ivanyi no cirovejeso co kuverenga Bhaibheri no kujija. Verenganyi Bhaibheri njiku jese. (Ndu. 1:2) Psakanyi nguva yokurangarira ngo muezaniso jiri mu Bhaibheri no kushandisa zvamajija. (Jak. 1:23-25) Nasiriranyi kuti muende kocumaera kusiyapo kuthemba zvamakaita kare. Kudari mukanasa kunasirira musongano, imwimwi munozobesereka maningi musongano paunonga weciithwa

• Tevejanyi ndhungamiriro jo sangano ra Jehovha. Tevejeranyi ndhungamiriro jese jipsa jatinopuwa ngo sangano no kukasika kujishandisa. (Bziv. 9:17) Purukiranyi vakuru pavanomupa mazano no ndhungamiriro.—Vah. 13:17

VONANYI VHIDHIYO INOTI ATINA THANGWE RO KUTHYA KUTEVEREHWA, PERAPO DAVIRANYI MUVHUNJO JINOTEVERA:

• Hama no hambzaji iji jakasongana no kuthya kwapi?

• Zvicinyi zvakavabesera kuti vakwanise kunyisa kuthya kwavo?