Vese vaya vano mufambiro wakacena vangava no ushamwari hwo phedo na Jehovha. (1 Ped. 1:14-16) Mujiji wo Bhaibheri paanonyisa zvirovejeso zvakashata, iyena angakwanisa kubesereka pa mbhuri, mu muviri no kukwanisa kushandisa ushoni mare.

Nasanyi kusanangura ngo pamusoro po ndhungamiriro ja Jehovha jo mufambiro, ngenyi anotipa ndhungamiriro iji no manera atinobesereka ndijona. Batikananyi ngo kubesera vajiji venyu vo Bhaibheri kuti vacinje manera avo okurangarira. Perapo, vanozokwanisa kuita zviya zvinoda Jehovha. (Vae. 4:22-24) Vagondesenyi kuti ngo besero ra Jehovha ivona vangakwanisa kusiya zvirovejeso zvese zvakashata zvovaiita kuvhira kare. (Vaf. 4:13) Vajijisenyi kudeketerera Jehovha pavanova no murangariro wo kuita zviro zvakashata. Vabeserenyi kuziva mugariro jaizovaita kuti vanesehwe kuita zviro zvakanaka. Vavangisenyi kuti vafakeye zvirovejeso zvakashata ngo kuita zviro zvinozovabesera. Munozodakara maningi ngo kuvona vajiji venyu vo Bhaibheri vaciita cinjo ngo besero ra Jehovha.

VONANYI VHIDHIYO INOTI BESERANYI VAJIJI VENYU VO BHAIBHERI KUTI VASIYE ZVIROVEJESO ZVAKASHATA, PERAPO DAVIRANYI MUVHUNJO JINOTEVERA:

• Vakuru vakakhombijisa kudini kuti ivona na Rita vaithemba Jadhi?

• Rita wakaitenyi kuti abeserezve Jadhi?

• Jadhi wakapsakisa kudini besero ra Jehovha?