Itusu tino vhidhiyo murongomuna jatinoshandisa patinonga tecicumaera. Vhidhiyo iji jakaitwa no cinangwa cenyi?

• Ngenyi Kujija Bhaibheri? Yakaitwa kuitira kubesera vandhu kuti vadakarire Bhaibheri azvinenyi no zvavanotenda. Inovangisa vapurutani kuti vawane mupinguro jo muvhunjo jinosisira maningi javanoita mu upenyu no kuvakhombija zviro zvinganani zvinowanika mu Bhaibheri. Iyona inonanga manera inokumbihwa jijo yo Bhaibheri.

• Ngenyi Kujija Bhaibheri? (Cidimbu) Iyona yakaezana no vhidhiyo yo kutanga asi yakasiyana ngokuti ino museswa mushoma. Iyona ingava yaushoni ku ndima yokuti vandhu avana mukuvo wakareba kuti vabhuye.

• Zvicinyi Zvinoitwa pa Jijo yo Bhaibheri? Yakaitwa kuti imuse cidakadaka co vandhu kuti vade kujija Bhaibheri no kudavira muvhunjo munganani javangava najo no kuvonesa manera ainokumbihwa jijo yo Bhaibheri.

• Kwaviya Wakanaka ku Jijo Yenyu yo Bhaibheri yakaitwa kuitira kukhombija mundhu paanotanga kujija Bhaibheri. Pikija vhidhiyo iyi inowanika pa pheji yocipiri yo bhuku Mungadakara Kwenda no Kwenda, iyona ingakhombijwa patinonga tecijija no mundhu bhurushura Mungadakara Kwenda no Kwenda. Vhidhiyo iyi inogurisira zvinonangwa mu bhuku no zvinodikana kuitwa ngo mujiji.

Pikija vhidhiyo imwe nga imwe ino cinangwa cayo, ijona jingakhombijwa kana kutumihwa ariwese kudari zvecidikana. Vacumaeri vanovangiswa kuti vanase kujiziva no kujishandisa pavanonga vecicumaera.