Njiku 29 ya Abril–5 ya Maio
NDUYO 34-35
Ndumbo 10 no Mukumbiro | Masoko Okutanga (mus. 1)
1. ‘Ndinozokuja Jehovha Mukuvo Wese’
(mus. 10)
Dhavhidhi waikuja Jehovha pikija paya paaisongana no zvineso (Ndu 34:2; Murindiri wo 1/3/07 pheji 22 ndima 11)
Dhavhidhi aacaijikujepi asi waikuja Jehovha (Ndu 34:3-5; Murindiri wo 1/3/07 pheji 22 ndima 13)
Magama o kukuja Jehovha aibhuyiwa ndi Dhavhidhi akavangisa shamwari jake (Ndu 34:6; Murindiri wo 1/3/07 pheji 23 ndima 15)
Dhavhidhi paakapera kusujunuhwa mu nyara ja Abhimereki, vanarume vanokwana kuita 400 vainga vacizivi kudakara ngo ndava yo utongi hwa Sauri, vakabatana pamwepo na Dhavhidhi mu zvipare. (1 Sam 22:1, 2) Zvingaita kuti Dhavhidhi wairangarira ngo pamusoro po vanarume ava paakatara nduyo iyi.—Ndu 34.
JIVHUNJISENYI KUDARI: ‘Ndingakujisa kudini Jehovha pazvandinozobhuya pamusongano unotevera?’
2. Upfumi hwo Kumujimu
(mus. 10)
-
Ndu 35:19—Ngenyi Dhavhidhi wakakumbira Jehovha kuti vaya vanomuzonda “vacacwanyana ngo majiso”? (Murindiri wo 15/5/06 pheji 20 ndima 2)
-
Upfumi hwapi hwamafumbhura pa kuverengwa ko Bhaibheri ko sumana ino hwamaidakarira kubhuisana no vamweni?
3. Kuverengwa ko Bhaibheri
(mus. 4) Ndu 34:2-23 (Kujijisa cijijo 5)
4. Kutangisa Mabhuyo
(mus. 2) UCAPUPU UCIZIVI KURONGWA. Mabhuyo anopera imwimwi mucito mapa ucapupu. (Idanyi Vandhu cijijo 1 fundo 4)
5. Hwiririro
(mus. 4) UCAPUPU UCIZIVI KURONGWA. (Idanyi Vandhu cijijo 2 fundo 4)
6. Mecisanangura Zvamunotenda
(mus. 5) Kuezanisira: ijwfq 59—Musoro: Zvapupu Zva Jehovha Zvinovonesa Kudini Kuti Feriyadho Iyi Inotendehwa Kana Kuti Haiwa? (Kujijisa cijijo 17)
Ndumbo 59
7. Njira Ndhatu Jokukuja Jehovha pa Musongano
(mus. 15) Kubhuisana.
Tinomukana jakawanda jokukuja Jehovha pa musongano jedu. Ngativone ndhatu jakona.
Kubhuisana: Pamunobhuya no vamweni, vavhunjenyi ngo kunaka mwoyo ka Jehovha. (Ndu 145:1, 7) Imwimwi makambozwa kana kuverenga ciro ciri cese cakamubesera? Imwimwi muno zviitiko zvaushoni mu basa rokucumaera? Ari wese wakananga kana kuita ciro cakamuvangisa? Imwimwi makambovona ciro cinoshamaisa pa zviro zvakasikwa? Zvese izvi ndi zvipo zva Jehovha. (Jak 1:17) Ejanyi kuguma nguva iciripo musongano ucito watanga kuti mubhuye no vamweni.
Mupinguro: Ejanyi kupa mupinguro umwe hawo pamusongano umwe nga umwe. (Ndu 26:12) Imwimwi mungapa mupinguro unoenda pamuvhunjopo kamare, kupa mupinguro wokuengejera kana vhesi, kubhuya ngo pamusoro po foto kana ngoapi manera okushandisa zvamajija. Ceukijanyi kuti vamweni vangamusa nyara pamwepo na imwimwi, ngo kudaro, ejanyi kunasirira mupinguro muzinji. Kudari mukapa mupinguro wo zvimuseswa zvishoma kana wakafupika, zvinoita kuti vamweni vawane mukana ‘wokupavo mupinguro unokuja Mwari.’—Vah 13:15.
Ndumbo: Imbanyi pamusongano jese ngo mwoyo wese. (Ndu 147:1) Kangaije imwimwi amukwanisi kupa mupinguro pa musongano jese maningi-ningi kudari jiri ungano jakakura maningi. Asi imwimwi mukuvo wese mungatoimba. Pikija mecirangarira kuti amukwanisi kuimba ushoni, rangariranyi ngo manera Jehovha anodakara pamunoita zvese zvamunokwanisa. (2 Vak 8:12) Imwimwi munganasirira no kuroveja kuimba muciri kumuzi.
Rijanyi VHIDHIYO ino musoro unoti Kuvoneswa ko Zviitiko Zvedu—Cipo co Ndumbo, Divi ro 1. Perapo itanyi muvhunjo unotevera:
Tinokhombijisa kudini kuti kuvhira pakatanga sangano redu kuimbira Jehovha ndumbo kunosisira maningi?
8. Jijo yo Bhaibheri yo Ungano
(mus. 30) Zvijijo Zvaungawana mu Bhaibheri cip. 28
