KURARAMA INGA MAKRISTU
Njira jo Kushandisa JW Library
KUITIRA JIJO:
-
Verenganyi Bhaibheri no tsamba yo njiku ngo njiku.
-
Verenganyi Bhuku Regore, marevhista no mabhuku amweni. Shandisanyi citatijo co kumarakari
-
Nasiriranyi kuitira musongano jo ungano no kusanangura mafundo makuru
-
Vonanyi mavhidhio
PA MUSONGANO:
-
Sotanyi tsamba iri kunangihwa ngo muvereketi kana muiti wo hurukuro. Shandisanyi zvakapera kuti muhwirire pa tsamba
-
Kunja ko kuviisa mabhuku akawanda okudhindhwa pa musongano, shandisanyi cimucini cenyu co mu nyara kuti muteverere mativi akasiana-siana no kuimba ndumbo. JW Library ina ndumbo imbza jo kuti amuna mu bhuku ro ndumbo
MU MUSHANDO:
-
Tatijanyi kudakarira ari wese ngo kumutatija ciri cese kubva mu JW Library, perepo mubesenyi kukhopa app no mabhuku kuti adire mu cimucini cake co mu nyara
-
Shandisanyi magama o kupsakisira kuti muwane vhesi yo Bhaibheri. Kudari mukawana museswa wo magama mu Tradução do Novo Mundo revhizadho, budanyi moenda koosota mu Bíblia com Referências zve mupsakezve ngo papsa
-
Tatijanyi vhidhio. Kudari muno wo muzi ano vana, mungakwanisa kurija mutevejwana o mavhidhio una musoro unoti: Iva Shamwari ya Jehovha. Kana mungatatija imwe yo vhidhio ina musoro unoti: Ngenyi Kujija Bhaibheri? kuti mumuse kudakarira kuitira kujija Bhaibheri. Kudari mudhuwo anovereketa ndumi imweni, mutatijenyi vhidhio mu ndumi yake
-
Tatijanyi ari wese tsamba mu ndumi imweni mucishandisa sandujo yo makakhopa. Nghwinanyi pa tsamba, toboranyi civerengo co vhesi, zve motobora citatijo cakaezana no Bhaibheri
