UPFUMI HUNOBVA MU SOKO RA MWARI
“Ndiri Pano, Nditumirenyi!”
Mujimu wakatatija Isaia unofanera kutevejera. Iyena wakatatija gonda zve ciriporipoco wakadavira cikumbiro, pikija acaiziva zvizinji. (Is 6:8) Mungakwanisa kunasirira mugariro wenyu mu njira yo kuti mungaenda kunodiwa maningi vacumaeri vo Umambo here? (Ndu 110:3, Baiberi Mazwi Akacena aMwari) Zvokadi kamare, zvinodikana ‘kuamba kugara pasi kakuverenga mare’ kuno anoda kuthutha. (Lc 14:27, 28) Ngokudaro, tinodikana kuva no cido co kuzvinesa ngo ndava yo basa ro kucumaera. (Mt 8:20; Mc 10:28-30) Inga zvamavona mu vhidhio inoti: Ivona Vakathutha Kuenda Kunodiwa Maningi Vacumaeri, makomborero atinoashira mu basa ra Jehovha anopinda kuvangisira kana kuzvinesa kuri kwese kwatingaita.
PAKUPERA KUVONA VHIDHIO II, DAVIRANYI MUBVUNJO JINOTEVERA:
-
Ngokwapi kuvangisira kwakaithwa ngo mbhuri ya Williamu pa kwenda kooshandira ku Ekuador?
-
Ngozvapi zvavakasotesesa pavaisana ko kwenda kooshandira?
-
Ngoapi makomborero avakaashira?
-
Ngokwapi kwamungawana masoko mazinji ngo pamusoro po kushandira kunodiwa maningi vashandi?
PA MAJIISA O KUNAMATA KO MBHURI KUNOTEVERA, BHUISANANYI NGO MUBVUNJO JINOTEVERA:
-
Tingaengejeresa kudini mushando wedu inga mbhuri? (Km-CA 8/11 4-6)
-
Kudari atikwanisi kooshandira kunodiwa maningi vashandi, ngojapi njira jo kubesera ndharaundha yo ungano yedu kamare? (w16.03-CA 23-25)
