Jesu paainga pa nyika, iyena wakagogomejera mupango wokuti: “Reremejai baba wako na mai wako.” (Ex 20:12; Mt 15:4) Ngo zvokadi kuti Jesu wainga wakasujunyuka pakuzvinanga ngokuti iyena “waivazwira”. (Lc 2:51) Paainga wakura waidikana kuva no cokwadi cokuti make vaizosapotwa pa kufa kwake. —Jo 19:26, 27.

Ndi zvonavo nyamasi, vocidoko vo ciKristu pavanozwira vabari vavo zve vobhuya ngo nderemejo yese, vanokhombija kuvareremeja. Zvokadi, mupango wo kureremeja vabari vedu apana paunogumira. Pikija vabari vedu pavanoita usharuka, itusu tinodikana kuvareremeja ngo kubeseka ngo uzivi hwavo. (Mazwi Akangwara 23:22) Tingabesazve vabari vedu vavamusharuka ngo kuva no mazwiro avo zve kuvabesera ngo zvavanoda zvo kunyama pazvinodiwaya. (1 Tim 5:8) Azvinenyi kuti tiri wocidoko kana wakura, kuramba tecibhuisana ushoni no vabari vedu ndiyona khiya yo kuvareremeja.

VONANYI VHIDHIO YO KUDHEZENYARI NDINGABHUISA KUDINI NO VABARI VANGU? ZVE DAVIRANYI MUBVUNJO JINOTEVERA:

• Ngenyi iwewe ungavona kuti zvinonesa kubhuya no vabari vako?

• Ungareremejesa kudini vabari vako paunonga wecibhuya navo?

• Ngenyi zvakanaka kuita simba rese kuti ubhuye no vabari vako? (Mazwi Akangwara 15:22)