NGENYI ZVINOSISIRA: ‘Kudari murangariro wo mundhu wakaita inga kumwa yakajika,’ zvino mubvunjo jakaita inga ndovo inocera kumwa yakajika. (Mazwi Akangwara 20:5) Mubvunjo jinotibesera kuti tibhuisane. Mupinguro jo mubvunjo jakanasa kuizwa kazinji jinoviisa muviyo jaushoni. Jesu waishandisa ushoni mubvunjo. Tingamutevejeresavo kudini?

MAITIHWE AZVO:

• Itanyi mubvunjo jo mavonero. Jesu wakaita mubvunjo jakati kuti ku vajiji vake kuitira kuvona mavonero avo. (Mt 16:13-16; be 238 ¶3-5) Ngo japi mubvunjo jo mavonero jomaizoita?

• Itanyi mubvunjo jinotungamirira ku mbhejiso. Kuitira kupangira murangariro wa Pedhru, Jesu wakamuita mubvunjo zve omupa mupinguro jaiita kuti Pedhru agume ega pa mbhejiso inodikana. (Mt 17:24-26) Mubvunjo japi jamaizoitira mundhu kuti mu mubese kuguma pa mbhejiso inodikana?

• Mubongenyi. Umwe mutari paakapingura ngo hwiru, Jesu wakamusimba. (Mc 12:34) Mungabongesa kudini mundhu akadavira mubvunjo uri wese?

VONANYI DIVI RO KUTANGA RO VHIDHIO ITANYI BASA RAKAITA JESU—JIJISANYI, PERAPO DAVIRANYI MUBVUNJO JINOTEVERA:

• Ngenyi majijisiro aya akaposeka, pikija zvaainangaro ndizvona?

• Ngenyi tinodikana kuita zvizinji kusiyapo kusanangura?

VONANYI DIVI ROCIPIRI RO VHIDHIO, PERAPO DAVIRANYI MUBVUNJO JINOTEVERA:

• Kuitisa kudini hama iyi yashandisa ushoni mubvunjo?

• Majijisiro api amweni apa atingada kutevejeravo?