Muranda wakagondeka no wakangwara anotipa zvokuha zvo umwari pa “nguva kwayo,” izvi zvinokhombija kuti Jehovha, wiya anotungamirira muranda, anoziva zvinodiwa zvedu zvokumujimu. (Mt 24:45) Pakati po zviro zvizinji, tino magungano edu, no musongano wo pakati po sumana, unonasa kukhombija kuti Jehovha anoziva zvatinoda.

VONANYI VHIDHIO INOTI RIPOTI YO KUMISAU YO KUJIJISA YO 2017, PERAPO DAVIRANYI MUVHUNJO JINOTEVERA:

• Ndiyani anodikana kukujwa ngo ndava yo magungano anotidakajisa zve ngenyi?

• Gungano rinotangwa kunasirihwa pecicota makore mangana?

• Musoro wo gungano unokheteswa kudini?

• Basa rapi rinobatanijwa pa kunasirira magungano?

• Njira inoshandiswa kuitira kujija ku Giriadhe inoshandiswa kudini kuitira kunasirira zvinojijwa pa musongano wo pakati po sumana?

• Mabauhwa mazinji anoshandisa kudini ese kuitira kunasirira cokutarira zvo musongano?

Munojizwa kudini ngo pamusoro po zviro zvaanotipa Jehovha kuitira kuvangisa rutendo hwedu?