NGENYI ZVINOSISIRA: Kucumaera ngo foni kunosisira maningi kuti ‘tiite ufakazi hwo masoko akanaka.’ (Mait 20:24) * Kucumaera ngo foni kunotiita kuti tikwanise kucumaera pikija mugariro wedu ukatama kutitendera kuti tiende ko cumaera muzi ngo muzi.

MAITIHWE AZVO:

• Kunasirira. Sanyanyi shwiro inomusa cidaka-daka. Perapo tariranyi zvamunoda kuzobhuya. Munganasirirazve masoko akafupika anosanangura cinangwa camafoneraro. Zvinosisira maningi kuzviita muri pandau yakanyarara, muno zvamatariraro pamwepo no mathurusi amweni amunoda kushandisa, akadari inga foni yakafununguka JW Library^® kana jw.org^®

• Mucadothimwa-thimwa. Bhuyanyi mucibarihwe. Nyemwereranyi no kuita zvitatijo zvo cibarihwe inga kuti mundhuwo ari kutomuvona. Mucadobhuya mecikana-kana. Zviri nane maningi kushanda no vamweni. Kudari samuzi akaita muvhunjo, hwirijiranyi muvhunjowo ngo izwi rakakhwira kuti mudoni wenyu akwanise kumubesera ngo mupinguro

• Siyanyi muvhunjo kuti muzoite hwiririro. Kudari mundhu akakhombija kudakarira, siyanyi muvhunjo wamunozodavira kudari mukamufonerazve. Kudari mecida kumupa bhuku riri rese rino musoro wamunoda, mungamutumira ngo e-mail kana kutoenda komupekeja kamare. Mungatumirazve musoro wo marevhista kana wo mavhidhiyo ngo mensajhi kana e-mail. Kudari zvecidikana, mungabhuya naye ngo pamusoro po website yedu.