Mukumbiro jinotendehwa ndi Mwari jingaezaniswa no rubani unonuhira no unodakajisa, waipihwa Jehovha muthemberi. (Ndu. 141:2) Patinoita mukumbiro, tinonga tecibhuya na Baba vedu vokudenga ngo manera otinovada no kubongesera maningi ngo zvese zvavakaita. Cimweni, tinovavhunja zvineso no zvido zvedu pomwe no kukumbira ndhungamiriro. Ngo kuita kudaro, tinokhombija kuti tinoreremeja maningi ushamwari hwedu na Mwari. Zvakajeka kuti kuna Jehovha mukumbiro jese jinosisira maningi pakunamata kwedu. Asi Jehovha anodakara maningi patinofunungura mwoyo wedu no kubhuya naye pa mukuvo wakareba pa mukumbiro jedu jo mundhu ega.—Mazwi 15:8.

VONANYI VHIDHIYO INOTI NDAKASUNGA KUITA MUKUMBIRO, PERAPO DAVIRANYI MUVHUNJO JINOTEVERA:

• Makomborero api akava na hama Johnson pa kushandira kwavo Jehovha?

• Mu upenyu hwavo, vakakhombijisa kudini kuti mukumbiro jinosisira kwavari?

• Majijenyi ngo muezaniso wa hama Johnson?