Gore rimwe na rimwe, tinovetera mabuso o kumujimu anovaka otinobusa pa magungano edu o mutundhu. Ngo kudaro, vamweni kangaije vangaraviravo unaki hwa Jehovha, itusu tinozokoka vandhu vakawanda kudari zvicikwanisika kuti vazovevo na itusu pa gungano. (Ndu 34:9) Dare rimwe na rimwe ro vakuru rinozosunga maitiro ari nane o kukovanisa mukoka.

• Gungano rangu rinozoitwa rini?

• Fafanya inotanga rini mu ndharaundha yangu?

• Musongano kuitira basa ro mu munda jinoitwa ngo mucingana?

• Ngozvapi zvondinoda kukwanirisa kuitira fafanya?

• Ndiri kuronga kuzokoka iyani?

Pakupera kucungamija, mungananga kudari:

“Tiri kuita fafanya yo pasi pese kuitira kukovanisa mukoka uu wo ciitiko cinosisira maningi. Njiku, nguva no kunozoitihwa ciitiko ici zvakatahwa pa mukoka uu. Tinozodakara mukazova na itusu pa ciitiko ici.”

Pikija tinoda kukoka vandhu vakawanda kudari zvicikwanisika kuitira gungano ro mutundhu, tinodikana kungwarira kuti tisakurire kudakarira kwatatijwa ngo ariwese.

Kumbhiri ko mabviki, mungakovanisa revhista pamwepo no mukoka.