Kubvira mu mweji wa Zvita 2016, kapa yo sure yo Murindiri wo mujeura wo vese waana shwiro inoti: “Bhaibheri Rinonangenyi?” Shwiro imbza iyi yakaithwa kuti itibesere kutanga mabhuyo ngo zvimusoro zvo Bhaibheri. Shwiro yondhowo yakatojana no yo mataratadho edu. Pondhopo pano mubvunjo wo mavonero unotevehwa ngo Tsamba inodavira mubvunjowo, mukuzwirana no masoko okuengejera kuitira kubhuisana.

Mabhuyo anodakajisa o zvinobva mu Matahwa angatungamirira ku jijo yo Bhaibheri. Shandisanyi shwiro imbza iyi kuti mubesere vazinji kuti vagutise njara yavo yo kumujimu.—Mt 5:6.

1. Bvunjisanyi muno wo muzi kuti anange mavonero ake ngo mubvunjowo

2. Mupurukirenyi zve bongeseranyi ngo kudavira kwake

3. Verenganyi tsamba iri pasi po musoro unoti “Bhaibheri Rinonangenyi,” zve kumbiranyi kuti anange murangariro wake ngo vhesiyo. Kudari ano nguva, endereranyi mberi no mabhuyo, mucishandisa fundo riri pasi po musoro unoti “Zvicinyi Zvatingajijazve Kubva mu Bhaibheri?”

4. Mupekejenyi revhista

5. Nasiriranyi kuitira hwiririro zve mubhuisananyi ngo pamusoro po mubvunjo wocipiri