Mbhaani vanoda kuashihwa ngo mwoyo wese? Ari wese hake anoviya koovona musongano jedu jo ciKristu—mupsa kana shamwari jo kare. (Rom 15:7; Heb 13:2) Angaita mutendi doni ari kubvakacira anobva ku nyika imweni kana muKristu acikacaiti basa watangazve kuviya ku musongano no pakhirira makore mazinji. Rangariranyi kudari mainga pa mugariro uu. Amucaizobongesera ngo kuashihwa ngo mwoyo wese here? (Mt 7:12) Waro ngenyi amuvangisiri kuti muite ciri cese pa Nyumba yo Umambo zve mocungamija vese musongano ucito watanga no paunonga wapera? Izvi zvinobesera ngo mwoyo wese no mugariro wo rudo zve zvinoviisa rukujo kuna Jehovha. (Mt 5:16) Zvokadi kamare, azvingakwanisiki kubhuya no vese vari pa musongano. Asi, vese vanozojizwa ushoni pavanovona kuti tese tiri kuita divi redu. *

Kuashira kokadi-kadi akutatijwi basi pa nguva inosisira yakadari inga yo pa Cirangarijo asi pa nguva jese. Vapsa pavanovona no kuravira rudo hwo maKristu mu zviito, vanokwevehwa kuti vakuje Mwari no kubatana na itusu mu kunamata kwakacena.