KURARAMA INGA MAKRISTU
Kucumaira no Kujijisa—Zvinosisira pa Kuita Vajiji
Jesu wakapangira vateveri vake kuti vaite vajiji. (Mt 28:19) Zvinobatanija kucumaira no kujijisa. Nguva no nguva tinodikana kuzvibvunjisa kuti: ‘Ndingaitisa kudini nane divi iri rinosisira ro basa ro kuita vajiji?’
KUCUMAIRA
Kunja ko kuvetera vandhu kuti vaviye kwatiri, itusu tinodikana kuvangirira pa kwenda ko ‘vapsanga’. (Mt 10:11) Pa tinozvipira mu kucumaira, tinova vakamuka pa mukana wo kubvunja vandhu ‘vese vanotigumira’? (Mait 17:17) Ridhia wakava mujiji ngo kucumaira kwakanaka no kuvangisira ko mupostori Pauro.—Mait 16:13-15.
“Co mangwanani kusai mbeu jako; co madeko nyara jako jitame kuzorora” (Muc 11:6)
VONANYI VHIDHIO RAMBANYI MECICUMAERA ‘MUCIKAZORORI’—MU UCAPUPU UCIKAZIVI KURONGWA, MUZI NGO MUZI PEREPO DAVIRANYI MUBVUNJO JINOTEVERA:
-
Mabasa ake o zuva ngo zuva, Samueri wakakhombijisa kudini kuva wakavanga pa kusima mbeu yo cokwadi?
-
Ngenyi tinodikana kuvangirira pa mukhaindi wese wo kucumaira?
-
Ndiyani wamaizobhuya naye ngo masoko o Umambo mu mabasa enyu o njiku no njiku?
KUJIJISA
Kuti tiite vajiji, tinodikana kuita zvizinji kupinda kupa vandhu mabhuku basi. Kuti tivabesere kukura kumujimu, tinodikana kuita hwiririro no kuitisa jijo yo Bhaibheri. (1 Kor 3:6-9) Waro, kudari kuvangisira kwedu pa kujijisa vamweni ngo pamusoro po cokwadi co Umambo zviri kuva no muviyo mushoma? (Mt 13:19-22) Tinodikana kuramba tecipsanga vaya vano mwoyo inga “mabvu akanaka”—Mt 13:23; Mait 13:48
“Inini ndakasima, Apolo wakadirijira, kaveta anorebesa ndi Mwari” (1 Kor 3:6)
VONANYI VHIDHIO RAMBANYI MECICUMAERA ‘MUCIKAZORORI’—MU UCAPUPU HWO PAMBHENE NO PA KUITA VAJIJI PEREPO DAVIRANYI MUBVUNJO JINOTEVERA:
-
Soromona na Maria vakaitisa kudini kuti vasime mbeu yo cokwadi mu mwoyo wa Ezekieri na Abhigairi?
-
Ngocapi cinodikana kuva cinangwa cedu pa mukhaindi uri wese wo kucumaira, kubatanija ucapupu wo pambhene?
-
Tingapekejesa kudini simba guru no cokwadi catinojijisa vamweni?
