Jesu wakatisiira muezaniso watingatevejera, kudari tikasongana no muejo kana kuteverehwa. (1 Ped 2:21-23) Pikija Jesu paaitukwa, no kutambujwa aazivi kuhwirijira. (Mc 15:29-32) Cicinyi cakamubesera kucungirira? Wainga wakasunga kuita kuda ka Jehovha. (Jo 6:38) Yena wakadira murangariro pa zvaaisotesesa “eciziva rudakaro hwaizomuviira.”—Heb 12:2.

Tinoitenyi kudari tikatambujwa ngo ndava yo gonda redu? MaKristu o cokwadi anobvunjwa kuti “Mucadohwirijira ariwese ngo uxaixi hwake.” (Rom 12:14, 17) Patinotevejera kucungirira kwa Kristu pa matambujiko, tinokwanisa kuva no mudakaro ngokuti tinotendehwa ndi Mwari.—Mt 5:10-12; 1 Ped 4:12-14.

VONANYI VHIDHIO INOTI ZINA RA JEHOVHA NGO RINOSISIRA MANINGI, PERAPO DAVIRANYI MUBVUNJO JINOTEVERA:

• Kuitisa kudini Hambzaji Pötzinger * ngo ungwaru vakashandisa nguva yavo pavainga vakasungwa?

• Ngoapi matambujiko akasongana na Hama Martin no Hambzaji Pötzinger pavainga mu ndau jakasiyana-siyana jo vasungwi?

• Icinyi cakavabesera kucungirira?