Mugariro japi jakanaka kuno shamwari yenyu? Vandhu vazinji vanonanga kuti shamwari yakanaka yakagondeka, ino unyasha zve inokova. Jehovha anoita zvese izvi. (Ex 34:6; Mait 14:17) Iyena anotipurukira kudari tikabhuya naye ngo mukumbiro. Iyenazve anotibesera pari pese patinonga tecida besero. (Ndu 18:20, 36) Iyena anotiregerera patinoshaisha. (1 Jo 1:9) Akuna Shamwari yakaezana na Jehovha!

Tingaitisa kudini kuti tive shamwari yakanaka ya Jehovha? Verenganyi Bhaibheri kuti munase kumuziva ushoni. Bhuyanyi naye. (Ndu 62:9; 142:3) Khombijanyi kuti munoreremeja zviro zvinosisira zva Jehovha, inga muezaniso munoreremeja Mwana wake, Umambo hwake no zvigondiso zvake kuitira kumbeji. Bhuyanyi no vamweni ngo pamusoro pazvo. (Dt 32:3) Kudari mukavangisira kuti ushamwari hwenyu na Jehovha uve wakavanga, iyena anozova shamwari yenyu no kucingaperi.—Ndu 73:25, 26, 28.

VONANYI VHIDHIYO INOTI VOCIDOKO—‘EJANYI MUNOZOVONA UNAKI HWA JEHOVHA,’ PERAPO DAVIRANYI MUVHUNJO JINOTEVERA:

• Mungaitenyi kuti muzvipire no kubhabhatijwa?

• Hama no hambzaji jo mu ungano jingamubesera kudini kuti mushandire Jehovha?

• Ngenyi kubhuya no vamweni ngo pamusoro pa Jehovha kungavangisa ushamwari hwenyu naye?

• Mukana japi jamungawana kuti mushandire Jehovha?

• Ngozvapi zvamunodakarira maningi kuna Jehovha?