Jesu wakacumaera “masoko akanaka o Umambo hwa Mwari.” (Lc 4:43) Iyena wakajijisa vandhu kuti vakumbire Umambo uhu kuti uviye pasi pano. (Mt 6:9, 10) Mu mweji wa Novembro, tinozobatikana mu fafanya yo kucumaera masoko akanaka o Umambo hwa Mwari. (Mt 24:14) Itanyi urongwa wari kuti muzokwanise kubatikana pa fafanya iyi. Vese vanozova mapiona o besero mu mweji uu vanodikana kukwanisa makumatatu kana makumashanu o nguva.

Vangisiranyi kuti muvhunje vandhu vakawanda mu ndima menyumo ngo pamusoro po Umambo hwa Mwari. Pa munosana tsamba rangariranyi zviara zvo vandhu vondhovo. Kudari akakhombija kudakarira pamunobhuya naye pakutanga, mupekejenyi revhista Murindiri numero 2 wo 2020. Perapo hwiririranyi mundhu uu kudari zvikakwanisika, zve ejanyi kutangisa jijo yo Bhaibheri mecishandisa mabhuku anovha mu Bhokiso redu Rokujijisa. Kwasara mukuvo mushoma kuti Umambo hwa Mwari upeje utongi hwese no vese vanoubesera. (Dan 2:44; 1 Kor 15:24, 25) Ngo kudaro, itanyi zvese zvamunokwanisa pa mukana uu unosisira kuti mukhombije kugondeka kwenyu kuna Jehovha no kuno Umambo hwake!