Zvapupu zva Jehovha zvino cidakajiso cikuru maningi. Inga Makristu tinozvipira no kubhabhatijwa, perapo tova shamwari ja Mwari. Kudari tikavangisira, ushamwari hwedu na Jehovha unozoguma pakuvanga maningi. Jehovha wakatanga kutida paakatumira Mwana wake. (Jo 6:44) Jehovha anozwa mukumbiro jedu.—Ndu 34:16.

Tingangwaririsa kudini ushamwari hwedu na Jehovha? Zvinosisira maningi kutama kuita zvakashata inga zvakaithwa ngo Vaiziraeri. Jehovha wakaita citenderano no Vaiziraeri perapo ovapekeja mukana wokuva shamwari jake, asi ivona pakufamba ko nguva vakaita thoyo ro goridhe perapo vorinamata. (Ex 32:7, 8; 1 Kor 10:7, 11, 14) Tinodikana kujivhunjisa kudari: ‘Ngozvapi zvandinoita kudari ndikada kuita zvakashata? Kureva kuti zviito zvangu zvinokhombija kuti ndinoreremeja ushamwari hwangu na Jehovha?’ Kudari tecida Baba vedu vo mugore ngo mwoyo wese, tinozotiza zviro zvaanonyenya.—Ndu 97:10.

VONANYI VHIDHIYO INOTI NGWARIRANYI USHAMWARI HWENYU NA JEHOVHA (KOL 3:5), PERAPO DAVIRANYI MUVHUNJO JINOTEVERA:

• Zvinoda kurevenyi kuemura?

• Ngenyi kuva no makaro no kunamata zvithombe zvakashata maningi?

• Kuita upombo no kunamata zvithombe zvakabatana papi?

• Ngenyi hama ino mutoro mu ungano inodikana kusotesesa zvinodiwa zvo mukaji wayo?