Mugogomi wese anodikana kuenderera mberi ecivangisa mujira jake kuti atame kukasika kuremba. Mu njira yakafanana, tinodikana kuvangisira maningi kuti uzivi hwedu uengejeke no kuramba tinawo. (Vah 5:14) Kazinji cido cedu ngo cokutevejera zvivaringo zvo vamweni, asi tinodikana kuengejera kukwanisa kwedu kurangarira no kutema zvivaringo zvedu toga. Ngenyi? Ngokuti umwe nga umwe wedu anozozvidavirira ega ngo zvivaringo zvaanotema.—Var 14:12.

Atidikani kurangarira kuti tinozotema zvivaringo zvakanaka basi ngokuti taano makore akawanda notapera kubhabhatijwa. Kuti titeme zvivaringo zvakanaka tinodikana kuthemba Jehovha, Soko rake no sangano rake.—Jox. 1:7, 8; Mazwi 3:5, 6; Mt. 24:45.

VONANYI VHIDHIYO INOTI “IVANYI NO HANA YAKANAKA,” PERAPO DAVIRANYI MUVHUNJO JINOTEVERA:

• Zvineso zvapi zvakasongana na Ema?

• Ngenyi tinodikana kubhasopa patinonanga mavonero edu pa shwiro yo hana?

• Varovorani vamweni vakapa mbhangiro yapi Ema?

• Ema wakawanira kwapi masoko akamubesera kuti ateme civaringo caushoni?