Patinonesehwa kuti tiwane basa, kangaije tingavona inga zvinonesa maningi kudira Umambo hwa Mwari pakutanga mu upenyu hwedu. Kangaije tingatoejwa kuti titendere basa rinotiita kuti tikonehwe nguva kuti tishandire Jehovha kana arizwirani no ndhungamiriro jo Bhaibheri. Asi tingava no cokwadi cokuti Jehovha anovangisa “vaya vanomugonda ngo mwoyo yavo yese.” (2 Kron. 16:9) Jehovha ndi Baba vedu vano rudo, apana cingaita kuti akonehwe kutibesera no kutipa zvatinoda. (Var 8:32) Ngo kudaro, tinodikana kuthemba Jehovha no kudira Umambo hwake pakutanga patinotema zvivaringo ngo pamusoro po basa.—Ndu. 16:8.

VONANYI VHIDHIYO INOTI SHANDIRANYI JEHOVHA NGO MWOYO WESE, PERAPO DAVIRANYI MUVHUNJO JINOTEVERA:

• Ngenyi Jasoni wakaramba kudyekehwa?

• Tingashandisisa kudini zviri pana Vakorose 3:23 mu upenyu hwedu?

• Muezaniso wakanaka wa Jasoni wakabesera kudini Tomasi?

• Tingashandisisa kudini zviri pana Mateu 6:22 mu upenyu hwedu?