Mu mweji wa Novembro, tese tinozova no mukana wo kucumaera masoko akanaka okuti Paradhiso yaaphedo. (Ndu. 37:10, 11; Ap. 21:3-5) Itanyi urongwa kuti muengejere kucumaera kwenyu pa fafanya iyi. Vaya vanozoshanda inga mapiyona wo besero pa mweji uu, vanozokheta kuita 30 kana 50 o nguva.

Ivanyi no cido co kutumira vandhu vakawanda mavhesi anobhuya ngo pamusoro po nyika imbza. Pamunosana mavhesi aya, psakanyi kuziva kuti ngoyapi ingadakarihwa maningi mu ndima mwenyu. Kudari mundhuwo akakhombija kudakarira pamunotanga kubhuya naye, mupekejenyi khopi yo Murindiri wo vese No. 2 2021. Itanyi nasiriro kuti mubhuisanezve no mundhuwo ngo kukasika, ejanyi kutangisa jijo yo Bhaibheri mecishandisa bhurushura Mungadakara Kwenda no Kwenda! Tinozodakara maningi kudari tikabatikana pa ‘kutokotesa masoko akanaka.’—Is. 52:7.

VONANYI VHIDHIYO YO MUMBO UNOTI NYIKA IMBZA IRI KUZARI, PERAPO DAVIRANYI MUVHUNJO JINOTEVERA:

• Musikane uu ari kurangarirenyi ngo kumbeji?

• Zvigondiso zvapi zvamunoda kuvona zvecikwanirisika mu nyika imbza?

• Kurangarijisisa ngo vetero yenyu kungamubesera kudini kuti munase kubatikana pa fafanya inozoithwa mu Novembro?—Ruk 6:45