Mukaji no mwamuna pavanova no mucadho unodakajisa, ivona vanokuja Jehovha no kuva vakadakara. (Mar. 10:9) Kuti mucadho uve unodakajisa no kuvanga, Makristu anodikana kuteverera ndhungamiro jo Bhaibheri ngo pamusoro po kusana wo kucadha naye.

Imwimwi muri kurangarira kunamorari? Ceujanyi kuti zvaizova zvo ungwaru kuvetera mbhera upinde mukuvo wo kuaruka, mukuvo wokuti cido cokuda kuita zvoruvatano cinonga cakavanga. Izvo zvingapsasa maningi civaringo camunoita. (1 Vak. 7:36) Shandisanyi mukuvo wo ujaha kuti muvangise ushamwari hwenyu na Jehovha no kupsaka kuva no mugariro jo Cikristu. Zvondhozvo zvinozomubesera kuti muve makanasiririka kuti muve no mucadho unobudirira.

Mucito macadha no ari wese, nasanyi kupeja nguva naye kuti munase kuziva zviri ‘mukati mo mwoyo’ mo mundhuwo. (1 Ped. 3:4) Kudari mukavona zviro zvinomuita kuti mukane-kane, bhuyanyi ngo pamusoro pazvo no mundhu wamuri kunamorari naye. Inga zvinoitika pa ushamwari hwo vandhu kana hwo mukaji no mwamuna, imwimwi batikananyi pa zviya zvamunokwanisa kuitira wa makarovorana naye kuciripi zvaanodikana kumuitira. (Vaf. 2:3, 4) Kudari mukashandisa ndhungamiro jo Bhaibheri mucito mukacadha, munonga meciita zviro zvinosisira maningi kuti mucadho wenyu uve unodakajisa.

VONANYI VHIDHIYO INOTI KUNA VAYA VARI KURANGARIRA KUCADHA—DIVI 3: ‘KUVERENGA MARE,’ PERAPO BHUISANANYI NGO MUVHUNJO JINOTEVERA:

• Namoro yo hambzaji yo pa vhidhiyo yainga yecifamba kudini na Shane?

• Ngo zvapi zvayakazovona pavakazonasa kuzivana?

• Vabari vayo vakaibeseresa kudini? Iyona yakazoita cisungo capi?