Munodakarira kushandisa mavhidhiyo no muvhunjo jinoita kuti mundhu anange mavonero ake, jiri mubhuku Mungadakara Kwenda no Kwenda? Munovonavo kudini ngo mativi anoti “Vandhu Vamweni Vanoti,” Ejanyi kuita izvi, Zivanyi Zvimweni? Mathurusi api amweni angamubesera mubasa rokuita vajiji?—Mat. 28:19, 20.

Mavhidhiyo, musoro no ma audhiyo: Mungawanisa kudini mavhidhiyo no musoro jo marevista pandau imweyo, kudari meciitisa jijo mecishandisa bhuku rakaimprimihwi? Kudari mecishandisa bhuku ro mufoni kana mukomputadhori, endanyi pa divi rimwe ro mativi marongomuna makuru. Pambhiri panoperera musoro jo zvijijo, mungacika panoti “mavhidhiyo, musoro no ma audhiyo.” (Vonanyi foto 1.)

Manera Akaithwa “Bhuku Rakaimprimihwi”: Kudari mecishandisa bhuku ro mufoni, kangaije mungatorangarira kushandisa manera akaithwa bhuku rakaimprimihwi pamukuvo umweni pamunonga meciitisa jijo. Pamunonga muri pacijijo, endanyi ngo panyezuru po phejiyo, mocika pano zviponto zvitatu, mosana pakazwi “Versão Impressa.” Urongwa uhu ungamubesera kuti muve no murangariro wo zvamuri kuda kujija kuti zvakabatana papi no musoro wo cijijo condhoco. Kuti muhwirire sure, munodikanazve kucika zviponto zvitatu zviya moendazve pa “Versão Impressa.”

“Ndanasiririka?”: Kwadhru iyi inowanika pambhiri po bhuku, iyona inokhombija kuti ngo zvapi zvinodiwa kuti mundhu acumaere no ungano no kubhabhatijwa. (Vonanyi foto 2.)

“Masoko Okupejisira”: Divi iri rino masoko anosanangura shwiro jimweni jinosisira maningi. Bhuku ro mufoni kana kumputadhori rino rinki pasure po masoko aisananguhwa kuti muhwirirezve pamainga mecijija. (Vonanyi foto 2.)