Soko ra Mwari rinotipa zvese zvatinoda kuti zvitibesere patinosotana no zvineso zvo mazuva ano okupejisira. (2 Tim. 3:1, 16, 17) Asi nguva jimweni, tinoda besero kuti tiwane ndhungamiriro jo Bhaibheri jinoshanda pa mugariro umwe nga umwe. Inga muezaniso, imwimwi muri baba kana mai ari kupsaka ndhungamiro yokuti mungareresa kudini vana venyu? Imwimwi muri mujaha ari kusongana no mugariro uri kueja rutendo hwenyu? Imwimwi muri noni iri kutambujika ngo kuti makafihwa ngo mwamuna kana mukaji? Mu saite jw.org munowana masoko no ndhungamiriro jo Bhaibheri, jinozomubesera kuti muhwisane no mugariro iji pomwe no mugariro jimweni.—Mazwi 2:3-6.

Mu jw.org, pa pheji yokutanga, endanyi pakatahwa kuti JIJISO JO BHAIBHERI. (Vonanyi foto 1.) Sotanyi shwiro yamunodaro kupsakisisa pa masoko anoviyaro pondhopo. Kana endanyi panoti BHIBHIRIOTEKA > SÉRIES DE ARTIGOS perapo moendazve pa shwiro yamunodaro kupsakisisa pa masoko anoviyaro pondhopo. (Vonanyi foto 2.) Mungawanazve masoko aya mu JW Library^®. * Njira imweni ngo yokuwana musoro wo shwiroyo kamare ngo kuita kutara mu jw.org.

Taranyi musoro jinotevera mubhokiso rokupsakisisa. Perapo taranyi musoro jese jamaidakarira kuverenga.

• Kurera vana

• Kuphinduka-phinduka

• Cokwadi ngo pamusoro po rufu