MAPONERO O CIKRISTU
Jehovha Anoponesa Vaya Vano Mwoyo Wakakhuvazika
Vandhu vese pamukuvo umweni avajizwi ushoni. Kutama kujizwa ushoni azvirevi kuti amuna rutendo kuna Jehovha. Zvokadi, pikija Jehovha, pano mukuvo jimweni jaacizivi kujizwavo ushoni. (Gn 6:5, 6) Ngozvapi zvamungaita pamunopeja mukuvo wakatikuti makasuruvara?
Kumbiranyi besero ra Jehovha. Jehovha anoneseka ngo pamusoro po mazwiro atinova nawo kudivi rokunyama no mumurangariro. Iyena anoziva patinonga takacamwa no patinonga takadakara. Jehovha anozwisisa kuti ngenyi tinorangarira no kujizwa ngo manera ondhowo. (Ndu 7:10b) Cinosisira maningi i kuziva kuti Jehovha anoneseka ndisu nokutizve anotibesera kuti tihwisane no mazwiro o kusuruvara no o mumurangariro.—Ndu 34:19.
Ngwariranyi mwoyo wenyu. Mazwiro acikaripi aushoni angapsasa mudakaro wedu pomwe no kunamata kwedu. Ngo kudaro, tinoita ushoni ngo kungwarira mwoyo wedu no zvatiri ngo mukati.—Mazwi 4:23.
VONANYI VHIDHIYO INO MUSORO UNOTI: “HAMA JEDU JAKAITISA KUDINI KUTI JIWANE RUNYARARO PIKIJA JECIHWISANA NO MAZWIRO ACIRIPI AUSHONI,” PERAPO DAVIRANYI MUVHUNJO JINOTEVERA:
-
Ngozvapi zvakaithwa ndi Nikki kuti ahwisane no mazwiro aciripi aushoni?
-
Ngenyi Nikki wakajizwa kuti waidikana kupsaka besero ra medhiko?—Mt 9:12
-
Mu njira yapi Nikki wakathemba Jehovha kuti amubesere?
