Kushohwa kungatiita kuti tisuruvare maningi. Ikona kungatoitavo kuti tirembejeke ku divi ro umwari, kudari vandhu vanotishoraro vanonga veciita zvondhozvo ngo ndava yo kunamata kwedu. Mungaitisa kudini kuti mujijivirire pa mugariro wakadari?

Vashandiri vakawanda va Jehovha vari kukwanisa kuhwisana ushoni no kushohwa ngo kuthemba Jehovha. (Ndu 18:18) Inga muezaniso, Esteri wakatema civaringo co kunanga zvainga zvarongwa kuithwa ngo muvengi waishata, waizwi Amani. (Est 7:1-6) Acito aita izvi, wakakhombija kuthemba kwake Jehovha ngo kutama kuha no kumwa ciri cese. (Est 4:14-16) Jehovha wakakomborera zvaakaitari no kujivirira iyena no vandhu vake.

Majaha no vasikane, kudari mukashohwa, kumbiranyi besero kuno mundhu wakura wakadari inga vabari venyu, movavhunja cineso camuri kusongana naco. Ivanyi no cokwadi cokuti Jehovha anozomubesera inga manera aakabesera Esteri. Ngozvapi zvimweni zvamungaitazve kuti mukwanise kuhwisana no kushohwa?

VONANYI VHIDHIYO INOTI: PANDAINGA NDIRI MUDOKO—NDINGAITENYI PANDINONGA NDECISHOHWA? PERAPO DAVIRANYI MUVHUNJO JINOTI:

• Majaha angajijenyi ngo muezaniso wa Charlie na Ferin?

  Mupinguro wenyu

• Majibaba anojijenyi kuvha ku zvakanangwa ndi Charlie na Ferin ngo pamusoro po kubesera vana kuti vahwisane no kushohwa?

  Mupinguro wenyu