Musoro no mavhidhiyo anowanika pa pheji yokutanga yo saiti yedu, zvakaitwa kuti zvikwevere vandhu vari mu ndima mwedu vano mwoyo unoda kuzwa cokwadi. (Mab 13:48) Kazinji musoro iji jinobhuya ngo shwiro jiri kubudiswa mumanotisiya kana jiri kurangarihwa no kubhuiwa maningi ngo vandhu.

Muri kushandisa kudini pheji iyi yokutanga yo saiti yedu jw.org pamunonga mecicumaera?

• Garanyi mecisota zvadihwa mu saiti mukuvo wese. Vonanyi kuti ngozvapi zvadihwa wari no kuvona kuti mungazvishandisa kudini kuti mubesere mundhu ari kukhombija kudakarira. (Kuti muwane masoko mazinji ngo pamusoro po zviro zvakambova pa pheji yokutanga, toboranyi pakatahwa kudari: “Ona Zvimwe.”) Kuziva zvese zvinodihwa mu saiti yedu zvinozomubesera kuti mukwanise kubhuya zviro zvipsa mukuvo wese wamunonga mecicumaera.

• Shandisanyi musoro no mavhidhiyo anowanika pa pheji yokutanga yo saiti yedu kuti mutangise mabhuyo. Zviro izvi zvingamubesera kuti mukwanise kuziva zviri kurangarihwa ngo vandhu vari mu ndima yenyu.

• Khombijanyi vandhu pheji yedu yokutanga. Bhuyanyi ngo shwiro imwe perapo mukhombijenyi manera angaiwana mu saiti yedu.

• Tumiranyi rinki. Vandhu vamweni avadi kubhuya nesu patinosongana navo, asi vanoda kunghwina mu saiti yedu. Ngo kudaro, mucathya kutumira rinki yo musoro uri wese kana yo vhidhiyo inowanika pa pheji yokutanga yo saiti yedu, kuno vandhu vanokhombija kudakarira.