MAPONERO O CIKRISTU
Vabari, Beseranyi Vana Venyu Kuti Vave no Uzivi hwo Umwari
Njira imwe ingashandiswa ngo vabari kuti vabesere vana vavo kuti vawane uzivi hwo umwari, ngo yo kuvabesera kuti vaviye kumusongano jo Cikristu. Zvavanozwa, zvavanovona no pavanopa mupinguro javo kumusongano, zvinovabesera kuti vajije zvakawanda ngo pamusoro pa Jehovha no kuva shamwari jake jo phedo. (Dt 31:12, 13) Kudari imwimwi muri baba, ngozvapi zvamungaita kuti mubesere mwana wenyu kuti ajije zvakawanda pamunonga pamusongano?
-
Itanyi zvese zvamunokwanisa kuti muwanike pamusongano jo ungano pa Nyumba yo Umambo.—Ndu 22:23.
-
Psakanyi nguva kuti muvangise hama no hambzaji jenyu musongano ucito watanga no paunopera.—Vah 10:25.
-
Psakanyi kuziva dangani vese vo pa mbhuri vano bhuku riri kujijwaro pamusongano, azvinenyi ngo ro mu foni kana ro mu nyara
-
Beseranyi mwana wenyu kuti anasirire mupinguro ngo magama ake kamare.—Mt 21:15, 16.
-
Mucadoshora zviro zvajijiswa pamusongano no ndhungamiriro jamaashira konayo
-
Beseranyi vana venyu kuti vabatikane pa kuita mabasa akadari inga o kucenesa Nyumba yo Umambo no kubhuya no hama jaavasharuka
Kubesera vana venyu kuti vave no ushamwari wo phedo na Jehovha zvingatovoneka inga basa rakakura maningi, nguva jimweni zvingatomurembesa. Asi, mungava no cokwadi cokuti Jehovha anozomubesera.—Is 40:29.
VONANYI VHIDHIYO INOTI: INGA VABARI, THEMBANYI JEHOVHA NO SIMBA RINOVHA KWAARI, PERAPO DAVIRANYI MUVHUNJO JINOTEVERA:
-
Kuremba kwakapsasisa kudini Zaki na Reya?
-
Ngenyi vabari vanodikana kupsaka besero ra Jehovha kuti vawane simba?
-
Ngo njira yapi Zaki na Reya vakathemba kuti Jehovha waizovabesera?
