Njiku 7-13 ja Outubro
NDUYO 92-95
Ndumbo 84 no Mukumbiro | Masoko Okutanga (mus. 1)
1. Kushandira Jehovha i Ciro Cinosisira Maningi mu Upenyu
(mus. 10)
Jehovha anofanera kunamathwa ndisu (Ndu 92:1, 4; Murindiri wa 04/18 pheji 26 ndima 5)
Iyena anobesera vandhu vake kuti vateme zvivaringo no kuva vakadakara (Ndu 92:5; Murindiri wa 11/18 pheji 20 ndima 8)
Iyena anoreremeja vaya vanomushandira pikija vaavasharuka (Ndu 92:12-15; Murindiri wa 01/20 pheji 19 ndima 18)
JIVHUNJISENYI KUDARI: ‘Icinyi cinondiphinga kuti nditame kupira upenyu hwangu kuna Jehovha no kubhabhatijwa?’
2. Upfumi hwo Kumujimu
(mus. 10)
-
Ndu 92:5—Magama aya anovonesa kudini uzivi una Jehovha? (Khwederanyi Phedo na Jehovha pheji 176 ndima 18)
-
Upfumi hwapi hwamafumbhura pa kuverengwa ko Bhaibheri ko sumana ino hwamaidakarira kubhuisana no vamweni?
3. Kuverengwa ko Bhaibheri
(mus. 4) Ndu 94:1-23 (Kujijisa cijijo 5)
4. Kutangisa Mabhuyo
(mus. 4) UCAPUPU UCIZIVI KURONGWA. Itanyi mabhuyo anomuita kuti muvhunje mundhuwo ngo pamusoro po basa ramunoita rokujijisa Bhaibheri. (Idanyi Vandhu cijijo 5 fundo 3)
5. Hwiririro
(mus. 3) UCAPUPU UCIZIVI KURONGWA. Tangisanyi jijo yo Bhaibheri no mundhu wakhombija kudakarira asi wakamboramba kujija Bhaibheri kareko. (Idanyi Vandhu cijijo 8 fundo 4)
6. No Kuvabesera Kuti Vave Vajiji
(mus. 5) Bhuisananyi no mujiji wo Bhaibheri acikaripi kubudirira. (Idanyi Vandhu cijijo 12 fundo 5)
Ndumbo 5
7. Majaha Paanonyiswa Ngo Kuthimwa-thimwa
(mus. 15) Kubhuisana.
Vandhu vanoshandira Jehovha vanosonganavo no kuthimwa-thimwa. Inga muezaniso, Dhavhidhi wakasonganavo no kuthimwa-thimwa ko vhaza jakawanda mu upenyu hwake, inga zvinoitikavo no hama jedu nyamasi uno. (Ndu 13:2; 139:23) Zvinosuruvarisa ngozvokuti, pikija majaha anosonganavo no kuthimwa-thimwa. Mukuvo umweni kuthimwa-thimwa kungaita kuti mabasa o njiku ngo njiku akadari inga kwenda kushikora no kwenda kumusongano jo ungano aite inga anonesa. Zvingatoita kuti mundhu atame cokuita kana kutorangarira kuda kujikaka.
Majaha, kudari mukajizwa mecithimwa-thimwa, psakanyi besero ro majibaba kana hama yakaivha kumujimu. Cimwenizve, munodikana kusotesesa dangani makumbiravo besero kuna Jehovha. (Vaf 4:6) Iyena anozomubesera. (Ndu 94:17-19; Is 41:10) Vonanyi muezaniso wa hama Steing.
Rijanyi VHIDHIYO ino musoro unoti Jehovha Wakandikorondha. Perapo daviranyi muvhunjo jinotevera:
• Ngoyapi vhesi yakabesera hama Steing, ngenyi?
• Jehovha wakavakorondhesa kudini?
Vabari, imwimwi mungakwanisa kubesera vana venyu kuti vahwisane no kuthimwa-thimwa ngo kuvapurukira mecisengerera, kuvavhunja kuti munovada no kuvabesera kuti vathembe no kuda Jehovha. (Tit 2:4; Jak 1:19) Thembanyi Jehovha kuti amupe tondhojo no simba ramunoda kuti mukwanise kubesera vana venyu.
Mukuvo umweni zvinganesa kuziva kuti ari wese mu ungano ari kuhwisana no kuthimwa-thimwa nokutama kuzwisisa mazwiro aari kuva nawo. Pikija zvakadaro, tingakwanisa kubesera kuti vese mu ungano vajizwe vecidiwa no kutendehwa.—Mazwi 12:25; Vah 10:24.
