UPFUMI HUNOBVA MU SOKO RA MWARI | JOBE 1-5
Jobe Wakaramba Wakagondeka Naari pa Muejo
Jobe wairarama mu nyika yo Uzi pa mukuvo wo kuti vaIziraeri vainga mu uranda mu Ejipita. Pikija aacaengepi muIziraeri, Jobe wainga munamati wakagondeka wa Jehovha. Iyena wainga no mbhuri huruwane, upfumi hwakawanda, zve wainga no nduma mu ndharaundha yake. Iyena wainga mupangiri waireremejwa no mutongi acina mukheto. Iyena waikova varombo no vatami. Jobe wainga mwanarume wakagondeka.
Jobe wakakhombija zvakajeka kuti Jehovha wainga mundhu anosisira maningi mu upenyu hwake
-
Sathana wakavona ugondeki hwa Jobe. Iyena aacaikanijepi kuti Jobe waizwira Jehovha, asi, wakaphiza cido ca Jobe
-
Sathana wakananga kuti Jobe waishandira Jehovha ngo cido co umbau
-
Kuti ape mupinguro wo kupumbha ka Sathana, Jehovha wakaregera kuti Sathana ahwise mwanarume uwo wakagondeka. Sathana wakaviisa kuparaja mu mativi ese o upenyu hwa Jobe
-
Jobe paakaramba wakagondeka, Sathana wakaphikiza kugondeka ko vandhu vese
-
Jobe aazivi kushaisha kana kupumbha Mwari ngo kuita ciri cese cakashata
