Bhurushura Ndiani Ari Kuita Zvinoda Jehovha Nyamasi Uno? rakaithwa kuti ribesere pa jijo yo Bhaibheri pa kutangisa kana pa kupejisira ko cijijo cimwe nga cimwe. * Pa cijijo 1 mbhera 4 cinobesera vajiji kuti vanase kuziva kuti tiri vandhu vo mushovonyi, 5 mbhera 14 cinovabesera kuti vazive ngo pamusoro po mabasa edu zve cijijo 15 mbhera 28 cinovatatija kushanda ko sangano redu. Kazinji zviri nane kutojija zvijijo zvese zvakatevererana mucikaphuki-phuki kusiapo pakava no dikano yo kuita kudaro. Cijijo cimwe nga cimwe cino pheji imwe basi zve ingabhuisanwa no mujiji wenyu mukati mo museswa mushanu kana gumi.

• Mubeserenyi kuti anase kuteya njeve ku mubvunjo uri musoro wo cijijo

• Verenganyi pamwepo cijijo, cidimbu co magama kana divi rimwe basi

• Bhuisananyi ngo zvamaverengaro. Nasanyi kushandisa mubvunjo jiri pasi po pheji no mapikica. Verenganyi zve bhuisananyi ngo mavhesi akanokohwa kudari zvicidiwa. Nanganyi zvimusoro zvakapsipiswaro kuitira kudavira mubvunjo wo musoro

• Kudari mukawana bhokiso rinoti, “Fumbhuranyi Zvimweni” verenganyi mwese zve vangisanyi mujiji wenyu kuti aenderere no mazano awo