Bhurushura Izwanyi Mwari rakaithwa kuitira kujijisa cokwadi jokutanga jo Bhaibheri ngo kushandisa mapikica kuitira vaya vano cineso co kuverenga. Mapheji maviri o cijijo, ano mufodho jakadihwa mu bhokiso rinocitatijo cinotatija mufodho uri mu bhokiso rimweni rinotevera.

Bhurushura Izwanyi Mwari zve Raramanyi no Kucingaperi, rino mufodho jakatojana no jiri mu Izwanyi Mwari, asi rino masoko akati wandenyi padoko zve ringashandiswavo kuno vanocineso co kuverenga. Kazinji, vacumaeri vanoshandisa bhurushura Izwanyi Mwari zve Raramanyi no Kucingaperi pavanonga vecijijisa mundhu ari kushandisa bhurushura Izwanyi Mwari. Mapheji mazinji, ano mabhokiso ano masoko o kuengejera angatojijwavo, zvecifira ku mazivire o mundhu.

Mungapekeja mabhurushura ese o maviri pa nguva iri yese, pikija aciripi iwona ari kukovaniswa pa mwejiwo. Pamunoitisa jijo yo Bhaibheri, shandisanyi mufodho iji kuti mudurujire zviitiko zvo mu Bhaibheri. Itanyi mubvunjo kuti mujiji avereketevo, zve muve no cokwadi kuti iyena wazvizwisisa kamare. Verenganyi vhesi iri pasi po pheji imwe nga imwe, zve bhuisananyi ngo pamusoro payo. Mukapeja Bhurushura iri, Jijanyi Bhaibheri Rinojijisenyi Kamare? kana kuti Bhaibheri Ringatijijisenyi? kuti mubesere mujiji wenyu kuti agume pa rubhabhatijo.