KURARAMA INGA MAKRISTU
Beseranyi Mbhuri Yenyu Kuti Irangarire Jehovha
Jeremia wainga wakapuwa basa ro kungwaja vaJudha ngo ndava yo kuparajwa kwainga kuri kukhwedera, ngokuti ivona vainga vakanganwa Mwari wavo, Jehovha. (Jr 13:25) Jinja iri rakaitisa kudini pa mugariro uwu unosuruvarisa wo kumujimu? Mbhuri jo vaIziraeri jainga jaruza umujimu hwajo. Zvinovoneka inga kuti musoro jo mbhuri ajicainga jecitevera ndhungamiro ja Jehovha jiri pana Deuteronòmio 6:5-7.
Umujimu hwakavanga hwo mbhuri unoitisa kuti ungano jedu jirambe jakavanga nyamasi uno. Musoro jo mbhuri jingabesera mbhuri javo kuceukija Jehovha ngo kuva no urongwa hwo Kunamata ko Mbhuri kuno mukuvo wese. (Ndu 22:28) Pakupera kuvona vhidhio inoti: “Mazwi Aya . . . Agare mu Mwoyo Mako”—Mbhuri Jiri Kubvunjiswa, daviranyi mubvunjo jinotevera:
-
Kuitisa kudini mbhuri jimweni jakabudirira pa kuhwisana no zvineso zvo njiku ngo njiku kuitira kunamata ko mbhuri?
-
Ngojapi muviyo jimweni jingawanika ngo kuva no urongwa hwo Kunamata ko Mbhuri mukuvo wese kuno revo?
-
Ngo pamusoro po kunamata ko mbhuri, ngozvapi zvineso zvandinazvo zve ndingazvinyisisa kudini?