Tinoda kudirijira mbeu jo cokwadi jotinosima. (1 Kor 3:6) Potinowana mundhu anotatija kudakarira, zvakanaka kusiya mubvunjo wotinozobhuisana nae potinozomuhwirira. Izvi zvinoda kutanga tanasirira no kurerusa macumairiro edu kuitira hwiririro. Potinohwirira, tingamubvunja kuti tiri pano kuti tidavire mubvunjo wotakasiaya potakapejisira kumugumira.

• Pomunonasirira macumairiro enyu o pamuzi ngo muzi, batanijanyi no mubvunjo unotevera unozodavihwa pomunozohwirira. Unodikana kudavihwa mu bhuku romuri kumupa. Kana unodikana kuva mubvunjo unodavihwa mu rimwe ro mabhuku edu okujijisa romaronga kuti muzojije nae pomunohwirira.

• Pomunopejisa kubhuya no mundhu anotatija kudakarira, musiyenyi aciziva kuti munoda kuzobhuyazve nae kusiyapo kudavira mubvunjo womakanasiriraya. Wananyi masoko o mawaniro omungamuita kudari zvecikwanisika.

• Kudari mukamubvunja kuti munozoviyazve pa nguva yakati, hwiriranyi pa nguveyo kamare.—Mt 5:37.