Bhaibheri rakaporofita kuti Sathana waizotiteverera mu njira yo kuimisa mushando wedu. (Jo 15:20; Ap 12:17) Tingabeseresa kudini vatendi doni vedu vo ciKristu pa vanotambujika ngo kuteverehwa mu nyika jimweni? Tingavakumbirira. “Mukumbiro wo murungami ino simba huru.”—Jak 5:16.

Zvicinyi zvatingananga pa mukumbiro? Tingakumbira kuti Jehovha ape vangiso hama no hambzaji jedu zve avabesere kuti vatame kuthya. (Isa 41:10-13) Tingakumbirazve kuti vano utongi vave vakaezanana ngo pamusoro po basa ro kucumaera, “tikwanise kurarama no kunyarara uxoni.”—1 Tim 2:1, 2.

Pauro na Pedru pavainga vaciteverehwa, maKristu o muzana rokutanga ro makore akakumbira mu zina ravo. (Mait 12:5; Rom 15:30, 31) Pikija kudari itusu atizivi mazina o vese vari kuteverehwa nyamasi uno, atinganangi ngo ungano yavo, nyika kana mutundhu here?