Kubvira wari tinovona ndhorovondho yo Matahwa o ciKristu o ciGiriki. Jesu wakabahwa pa mbhuri icikazivi kupfuma zve yaipona mu cidhorobha cidoko. Iyena wakashanda na baba wake inga muvezi. Jesu ndi wiya waizoponesa vandhu. Jehovha wakamukheta inga Mambo hwo Umambo hwo mugore. Kudari muri mubari, beseranyi mwana wenyu kuti avone kuti Jehovha wakakhombijisa kudini rudo ngo kusana mbhuri yaizorera Jesu. Tatijanyi kuti Jehovha wakajivirira kudini Jesu kuti atame kuurawa ndi Herodhi zve tatijanyi kuti apana cinokwanisa kupingaija cidisiso ca Jehovha. Tinojijazve kuti Jehovha wakakhetesa kudini Johani kuti anasirire gwanja kuitira kuviya ka Jesu. Nasanyi kucindira kuti Jesu wakatatijisa kudini kuti waidisisa uzivi hwa Jehovha, pikija painga mudoko.