CIJIJO 80
Jesu Anosana Gumi na Vaviri o Vapostori
Jesu no wapeja gore no meya ecicumaera, wakava no cisungo cinosisira maningi kuti aite. Ngovapi vaizosana kuti vashande naye ngo phedo? Waidikana kuroveja ani kuti azotungamirire ungano yo ciKristu? Kuti Jesu akwanise kusana, waida kutungamirihwa ndi Jehovha. Ngo kudaro, iyena wakaenda ku dundhu ari ega zve wakaita mukumbiro usiku wese. No mangwanani, Jesu wakaunganija vamweni vo vateveri vake zve wakasana vapostori vanokwana 12. Ucamarangarira mazina avo? Aya ndiwona mazina avo: Pedru, Andereya, Jakobe, Johani, Firipi, Bhatoromeu, Tomasi, Mateu, Jakobe mwana wa Arfeu, Tadheu, Simoni na Judha Iskariote.
Andreya, Pedru, Firipi, Jakobo
12 ava vaifamba na Jesu. Paakapera kuvajijisa, wakavatumira kuti vaende kocumaera vari vega. Jehovha wakavapa simba ro kubvisa madhimoni no rokurapa vandhu.
Johani, Mateu, Bhatoromeu, Tomasi
Kuna Jesu, vapostori 12 vainga shamwari jake zve waivagonda maningi. VaFarisi avacaireremeja vapostori, ivona vaivavona inga vandhu vacizivi kujija. Asi Jesu acaivavona kudeya ngokuti ndiyena wainga wakavajijisa kuita basa rake. Ivona vaizogara na Jesu pa nguva inosisira maningi mu upenyu hwake, zvakadari inga pa nguva acito afa no pa kumuswa kwake. Inga ndi Jesu, vazinji vo 12 vainga vo Garirea. Vamweni vavo vainga vakacadha.
Jakobe mwana wa Arfeu, Judha Iskariote, Tadheu, Simoni
Vapostori vainga vandhu vacizivi kukwana vaiita zvishaishi. Nguva Jimweni vaivereketa vacizivi kurangarira zve vaiita zvisungo zvakashata. Pa nguva jimweni vainga vacikasengereri. Vaihwisana ngo cavo kuti vavone ndiyani wavo waisisira maningi. Asi vainga vandhu vakanaka vaida Jeovha. Ivona vaizoumba ungano yo ciKristu Jesu naapinda.
“Ndamudana xamwari, ngokuti ndakamuvonesa bzese bzondakazwa ndi Baba wangu”—Johani 15:15
Zvimweni Zvamungadakarira nga Izvi:
JESU—I GWANJA, I COKWADI NO UPENYU
Jesu Anosana Vapostori Gumi na Vaviri
Zvakasiana papi, kuva mupostori no kuva mujiji?
JESU—I GWANJA, I COKWADI NO UPENYU
Jesu Anocumaira mu Garireya no Kuroveja Vapostori
Magama okuti ‘umambo hwo mugore huri phedo’ anoda kunangenyi?
