Papera mazuva akati kuti Jesu naabudirira ku vapostori vake, Pedru anosunga kuenda kooveja ku Jombe ro Garirea. Tomasi, Jakobe, Johani no vajiji vamweni vakaenda naye. Vakapeja usiku wese vaciveja asi apana cavakabata.

Co mangwanani, ivona vakavona mwanarume wakagara mu mbhiripiri yo jombe. Wakaenda phedo no kumwa zve wovamimira kuti: ‘Mabata hove iri yese?’ Ivona vakamubvunja kuti: “Haiwa!” Mwanarume wiya wakati: “Wisiranyi juya ngo divi ro mukono muho ro ngarava, munozobata.” Pavakaita zvondhozvo, majuya akazara ngo hove zvokuti avacaikwanisa kumatakura kuti vamadire mugarava. Johani wakamuka kuziva kuti mwanarume wiya wainga Jesu zve wakati: “Ndi Tenji!” Ngokukasika, Pedru wakaphuka mu kumwa zve wosambira kwenda kumurambo. Vajiji vamweni vakatevera no vari mungarava.

 Pavakaguma ku mbhiripiri, vakavona hove jiri kukocwa no pau. Jesu wakavabvunja kuti vaviise hove jimweni kuti vaengejere pa jainga pa muriro. Perapo iyena wakati: ‘Viyanyi koha.’

Pavakapera kuha, Jesu wakabvunjisa Pedru kuti: ‘Unodida kupinda kuveja?’ Pedru wakati: ‘Hina, Tenji, munozviziva kuti ndinomuda.’ Jesu wakati: ‘Havisai mabvuta angu.’ Jesu wakabvunjisazve kuti: ‘Pedru, unodida?’ Pedru wakati: ‘Tenji, munozviziva kuti ndinomuda.’ Jesu wakati: “Havisai bzimabvuta bzangu.” Jesu wakabvunjisazve ko citatu. Pedru wakacamwa maningi. Iyena wakati: ‘Tenji, imwimwi munoziva zvese. Munozviziva kuti tinomuda.’ Jesu wakati: “Havisai bzimabvuta bzangu.” Perapo wobvunja Pedru kuti: “Nditeverei!”