CIJIJO 93
Jesu Anohwirira Mugore
Jesu wakavonana no vateveri vake ku Garireya. Iyena wakavapa mupango unosisira maningi wokuti: ‘Endanyi zve itanyi vajiji vo vandhu vo mu nyika yese. Vajijisenyi zviro zvondakamujijisa zve vabhabhatijenyi.’ Perapo wakavagondisa kuti: ‘Zivanyivo kuti ndinemwi njiku jese mbhera kupejisira ko nyika.’
Pa mazuva 40 no wamuswa, Jesu wakabudirira kuno vateveri vakawanda ku Garireya no Jerusarema. Iyena wakavajijisa cijijo cinosisira maningi zve wakaita zvishamaiso zvakawanda. Perapo Jesu wakasongana no vajiji vake pakupejisira ku Dundhu ro Maorivhe. Iyena wakati: ‘Mucabuda mu Jerusarema. Rambanyi muciimira zvakagondeswa ndi Baba.’
Vapostori vake avazivi kuzwisisa kuti Jesu waida kunangenyi. Ivona vakamubvunjisa kuti: ‘Tenji, nga ii nguva yo munozomusa Umambo hwo vaIziraeri, kani?’ Jesu wakapingura kuti: ‘Nguva ya Jehovha kuti ndive Mambo aito yakwana. Asi munozoashira mujimu mucena zve munozova zvapupu zvangu. Endanyi kocumaera mu Judheya mwese, mu Samaria, mbhera ku magumo o nyika.’
Jesu wakatanga kukhwira mugore zve makore akatanga kumufukija. Vajiji vake vakaramba vecisota nyezuru, asi iyena wainga wapinda.
Vatevereri vake vakabuda ku Dundhu ro Maorivhe zve vakaenda ku Jerusarema. Njiku jese vaiungana mu nyumba yo nyezuru vacikumbira. Ivona vaivetera Jesu kuti avapekeje mutemo umweni.
“Vangeri iri ro Umambo rinozotokoteswa pasi pese, kuita ufakazi ku vandhu vese. Pondhopo kunozovia kupejwa ko bzese”—Mateu 24:14
Zvimweni Zvamungadakarira nga Izvi:
JESU—I GWANJA, I COKWADI NO UPENYU
Mazana o Vandhu Anovona Jesu Pentekoste Icito Yaguma
Pakati po kumuswa kwake no kukhwira ku matenga, Jesu anophinda no kuphinda kukohomejera vajiji vake zvovanozoashira no maashiriro o vanozozviita.
